આમ આદમી પાર્ટીના રાષ્ટ્રીય સંયોજક અને દિલ્હીના પૂર્વ મુખ્યમંત્રી અરવિંદ કેજરીવાલ સાહેબ સાથે દાહોદ જિલ્લાની આમ આદમી પાર્ટીની ટીમે તાજેતરમાં મુલાકાત કરી હતી. આ મુલાકાત દરમિયાન દાહોદ જિલ્લામાં પાર્ટીના સંગઠનને વધુ મજબૂત બનાવવાની દિશામાં તેમજ જનસંપર્ક વધારવા માટેની વ્યૂહરચનાઓ અંગે વિસ્તૃત અને સકારાત્મક ચર્ચા કરવામાં આવી હતી.
મુલાકાતમાં દાહોદ જિલ્લાના વર્તમાન રાજકીય પરિસ્થિતિ, સ્થાનિક જનપ્રશ્નો, સંગઠન વિસ્તરણ, કાર્યકર્તાઓને સક્રિય બનાવવાના મુદ્દાઓ તેમજ આવનારા કાર્યક્રમોની આયોજનબદ્ધ રૂપરેખા અંગે વિગતવાર ચર્ચા કરવામાં આવી હતી. અરવિંદ કેજરીવાલ સાહેબે દાહોદ જિલ્લાના કાર્યકર્તાઓના કાર્યની પ્રશંસા કરી અને જનતા સાથે સીધા જોડાઈને કાર્ય કરવાની દિશામાં માર્ગદર્શન આપ્યું હતું.
આ અવસર પર કેજરીવાલ સાહેબે જણાવ્યું હતું કે, આમ આદમી પાર્ટીનું મુખ્ય ધ્યેય સામાન્ય જનતાના પ્રશ્નોને વાચા આપવું અને સ્વચ્છ, પારદર્શક તથા જવાબદાર રાજકારણ સ્થાપિત કરવું છે. તેમણે દાહોદની ટીમને સંગઠનાત્મક રીતે વધુ સક્રિય બનીને જનસંપર્ક વધારવા તેમજ પાર્ટીની નીતિઓ અને વિચારધારાને લોકો સુધી પહોંચાડવા સૂચના આપી.
દાહોદની ટીમે પણ જિલ્લાના વિકાસ, શિક્ષણ, આરોગ્ય અને રોજગાર જેવા મુદ્દાઓ અંગે રજૂઆત કરી હતી અને આવનારા દિવસોમાં જનહિતના કાર્યક્રમો વધુ અસરકારક રીતે યોજવાની પ્રતિબદ્ધતા વ્યક્ત કરી હતી.
આ મુલાકાતને દાહોદ જિલ્લામાં આમ આદમી પાર્ટીના સંગઠન માટે મહત્વપૂર્ણ અને ઉત્સાહવર્ધક માનવામાં આવી રહી છે.
